25

حجاج کرام کی اموات ، مصر میں ٹور آپریٹرز کیخلاف کریک ڈائون ، 16 کے لائسنس منسوخ ، کئی گرفتار

مصر کی حکومت نے اپنے سینکڑوں حجاج کرام کے جاں بحق ہونے پر ٹور آپریٹرز کے خلاف کریک ڈاؤن شروع کرتے ہوئے کئی افراد کو گرفتار کر لیا ہے۔

حکومت نے قاہرہ میں حجاج اور سیاحوں کے لیے سفری و رہائشی انتظامات کرنے والی 16 کمپنیوں کے لائسنس منسوخ کیے ہیں۔ قانونی کارروائی کے لیے پبلک پراسیکیوٹرز کو تیاری کی ہدایت کر دی گئی ہے۔
سرکاری بیان میں کہا گیا ہے کہ ٹور آپریٹرز نے حاجیوں کو طبی سہولتیں بھی فراہم نہیں کیں۔ ان کمپنیوں پر مصری باشندوں کو حج ویزا کے بغیر پرسنل وزٹ ویزا پر مکہ مکرمہ بھیجنے کا بھی الزام عائد کیا گیا ہے۔

واضح رہے کہ پرسنل وزٹ ویزا پر حج کرنے والوں کو سعودی حکومت کی طرف سے علاج کی سہولتیں فراہم نہیں کی جاتیں۔

اس خبر پر اپنی رائے کا اظہار کریں

اپنا تبصرہ بھیجیں