27

پنجاب میں ڈاکٹروں کے پوسٹ گریجویشن پروگرام غیر رجسٹرڈ ہونے کا انکشاف

لاہور: پنجاب میں ڈاکٹروں کے پوسٹ گریجویشن پروگرام غیر رجسٹرڈ ہونے کا انکشاف ہوا ہے، سیکڑوں پروگرام پاکستان میڈیکل اینڈ ڈینٹل کونسل سے منظور شدہ نہیں ہیں۔

محکمہ صحت پنجاب کی دستاویزات میں انکشاف ہوا ہے کہ ایف سی پی ایس، ایم ڈی ایم ایس غیر رجسٹرڈ پروگرامز میں شامل ہیں، لاہور کے 13 سرکاری اسپتالوں میں بھی غیر رجسٹرڈ پروگرامز کا انکشاف ہوا ہے۔

جناح اسپتال کے 32، سروسز اسپتال کے 31، میو اسپتال کے 3، پی آئی سی کے 5 جب کہ چلڈرن اسپتال کے 4 پروگرام غیر رجسٹرڈ نکلے ہیں۔
حکومتی دستاویزات کے مطابق علامہ اقبال اسپتال سیالکوٹ کے 24، الائیڈ اسپتال فیصل آباد کے 17 پروگرامز کی تاحال منظوری نہیں ہوئی، بہاول وکٹوریہ اسپتال بہاولپور کے 24، ڈی ایچ کیو ساہیوال کے 34 پروگرامزغیر رجسٹرڈ نکلے ہیں۔

دستاویزات کے مطابق شیخ زید اسپتال رحیم یار خان کے 40، علامہ اقبال اسپتال ڈی جی خان کے 32 پروگرام بھی تاحال منظور نہیں کیے گئے۔

محکمہ صحت پنجاب کے مطابق پروگرامز کی منظوری کے لیے پی ایم ڈی سی میں رابطہ جاری ہے، جلد پوسٹ گریجویشن پروگرامز کی منظوری ہو جائے گی۔

اس خبر پر اپنی رائے کا اظہار کریں

اپنا تبصرہ بھیجیں