12

پنجاب اور خیبرپختونخوا میں انتخابات کی تاریخ کیلئے گورنرز کو خطوط لکھنے کا فیصلہ

اسلام آباد(روزنامہ استحکام) الیکشن کمیشن آف پاکستان کا اہم اجلاس ہوا جس میں عام انتخابات سے متعلق پنجاب اور خیبر پختونخوا کے گورنرز کو خطوط لکھنے کا فیصلہ کیا گیا ہے۔

ذرائع کے مطابق الیکشن کمیشن کی جانب سے دونوں خطوط میں عام انتخابات کیلئے ایک تاریخ دینے کا کہا جائے گا، اجلاس میں بریفگ دی گئی کہ الیکشن کمیشن دونوں اسمبلیوں کے عام انتخابات کیلئے تیار ہے۔

الیکشن کمیشن کی جانب سے انتخابات کیلئے آر اوز اور ڈی آر اوز کی لسٹیں بھی مانگ لی گئیں، اس دوران چیف الیکشن کمشنر نے انتخابات کی تیاریاں تیز کرنے کے احکامات بھی دئیے۔

ذرائع کے مطابق الیکشن کمیشن کے اجلاس میں پاکستان تحریک انصاف کے اراکین کے استعفوں سے متعلق کوئی فیصلہ نہ ہو سکا تاہم پی ٹی آئی کے رہنماؤں کی درخواست پر غور کیا گیا۔

اس خبر پر اپنی رائے کا اظہار کریں

اپنا تبصرہ بھیجیں